Хицауады сæрдар Дзанайты Барис куыд загъта, афтæмæй куысты бынæтты армукъа у ахсджиаг мадзал æмæ йæ хъæуы æмбæлгæ æмвæзадыл бацæттæ кæнын.
Цæгат Ирыстоны ацæудзæн куысты бынæтты æппæтуæрæсеон армукъа. Йæ саразыны мадзæлттыл ныхас цыди хицауады æмбырды. Армукъа уыдзæни 2 къæпхæнæй. Регионалон ацæудзæн 18-æм апрелы, федералон та – 27-æм июны. Регионалон къæпхæны фæлгæты уыдзæн 4 фæзы: 2 Дзæуджыхъæуы, иугæйттæ та Алагиры æмæ Кировы районты. Хицауады сæрдар Дзанайты Барис куыд загъта, афтæмæй куысты бынæтты армукъа у ахсджиаг мадзал æмæ йæ хъæуы æмбæлгæ æмвæзадыл бацæттæ кæнын. Хицауады уæнгтæ æрдзырдтой республикæйы социалон – экономикон рæзтыл дæр. Ацы темæ сси æмбырды сæйрагдæртæй иу. Фарон регионæн бирæ къабæзты бантыст размæ зынгæ къахдзæф акæнын. Промышленнон продукци рауагътой 60 миллиард сомæн, базарадон æфтиаг та сси 194 миллиарды. Скъолаты фæфылдæр бынæттæ, кæронмæ реконструкци фесты культурæйы цалдæр объекты дæр. Æмбырды цы фарстатыл æрдзырдтой, уыдоны хсæн – профессионалон дæсныйады æрвылазон регионалон конкурс «Цæгат Ирыстоны афæдзы педагог» æмбæлгæ хуызы саразын. Профилон министр Алыбекты Эллæ куыд фехъусын кодта, афтæмæй ацы азæй фæстæмæ конкурсы уыдзæн 11 номинацийы. Хицауады æмбырды ма ныхас цыди «Ирон адæмы национ-культурон рæзт»-ы паддзахадон программæмæ ивддзинæдтæ бахæссыныл дæр.
