филиал вгтрк государственная телерадиовещательная компания “Алания”

10:01 среда, 13 августа 2025
10 октября 2019, 12:10
Цæгат Ирыстоны ацы аз бирæ мадзæлттæ арæзт цæуы Хетæгкаты Къостайы 160 азы кадæн

Сæ иу уыд Дзæуджыхъæуы Базарадон –экономикон техникумы.

Цæгат Ирыстоны ацы аз бирæ мадзæлттæ арæзт цæуы Хетæгкаты Къостайы 160 азы кадæн. Сæ иу уыд Дзæуджыхъæуы Базарадон –экономикон техникумы.

Уæвгæ дзы ацы къуыри баст у Хетæгкаты Къостайы номимæ. Ахуыргæнæндоны разамонæг Æбиты Валерийы ныхæстæм гæсгæ, студенттимæ канд сæ профессионалон рæзтыл нæ кусынц, фæлæ ма цæмæй зоной сæ адæмы культурæ, сфæлдыстад. Ацы хатт фембæлдмæ æрбахуыдтой телерадиокомпани «Алани»-йы режиссæр Газайты Зойæйы, Оперæ æмæ Балеты, стæй Дыгурон театры директор æмæ аивадон разамонæг Гæлæуты Анатолийы, Оперон зæрæггæнæг Цæллагты Эмилияйы æмæ Турчы цæрæг Хъуыбадты Айтекы. Се ‘ппæт дæр радзырдтой, се сфæлдыстады Къостаимæ куыд баст сты, уый тыххæй. Газайты Зойæ фæсивæды фæхуыдта 14-æм октябры Ирон театрмæ киноныв «Фатимæ» -йы премьерæмæ. Ирон æвзагыл йæ хъайтартæ сдзырдтой фыццаг хатт. Чи йыл бакуыста, уыдоны хсæн уыдысты Гæлæуты Анатолий æмæ Газайты Зойæ дæр. Фæсивæдæн ма фадат уыд уазджытæм фарстатæ раттынæн, тынг зæрдиагæй сын дзуæппытæ лæвæрдтой уыдон дæр.

vgtrk_alania
vgtrk_alania
vgtrk_alania
vgtrk_alania