Программæйы бацархайдзысты республикæйы æппæт муниципалон скондтæ
Цæгат Ирыстоны ацы аз нысан кæнынц 42 æхсæнадон территорийы æмæ 57 кæрты саив кæнын. Программæйы бацархайдзысты республикæйы æппæт муниципалон скондтæ. Аивгæнæн куыстытæ цæудзысты, национ проект «Цæрæнуæттæ æмæ горæты тыгъдад»-ы регионалон проект æххæст кæнгæйæ. Æппæт хъуыддæгтыл кусæг фембæлды бæстон æрдзырдтой республикæйы Сæргълæууæг Сергей Меняйло æмæ профилон министрадты æмæ ведомствоты минæвæрттæ. Цæрæнуæтты коммуналон хæдзарады, артаджы æмæ энергетикæйы министр Таматы Майрæн куыд фехъусын кодта, афтæмæй фæстаг 3 азмæ æдæппæтæй саив кодтой 102 æхсæнадон территорийы æмæ 307 кæрты. Республикæйы разамонæг æххæстгæнæн хицаудзинады оргæнтæн æмæ бынæттон хиуынаффæйады кусджытæн бабар кодта фæрæзтæ самал кæнын, цæмæй ацы азмæ нысангонд аивгæнæн куыстытæ арæзт æрцæуой, куыд æмбæлы, афтæ. 2024-æм азмæ ма нæ республикæйы баззад саив кæнын 123 æхсæндон æмæ 106 кæрты территорийы. Федералон проект æххæст кæнгæйæ, куыстытæ райдыдтой 2017-æм азы, Уæрæсейы Президент Владимир Путины амындмæ гæсгæ. Проекты сæйраг хæс у – муниципалитетты рæзтыл кусын.
