Чемпионат республикæйы цæуы 60 азæй фылдæр
Цæгат Ирыстоны ацыдысты ерыстæ мотокроссæй. Чемпионат республикæйы цæуы 60 азæй фылдæр. Ацы хатт æй сарæзтой Уæлахизы 80 азы кадæн æмæ сæрмагонд æфсæддон операцийы архайджыты номыл. Ерыс цыд 70 спортсмены *хсæн Стъараполы æмæ Краснодары крайтæй æмæ Цæгат Кавказы регионтæй. Чемпионат байгом кæныны кадджын мадзалы архайдта республикæйы физкультурæйы æмæ спорты министр Хуадонты Артур. Чехойты Фатимæ радзурдзæн бæстондæр.
Æрмæстдæр дыууæ уысмы æмæ мотоциклисттыл цæст нал хæцы. Тындзынц æгæрон тыгъдады, фæстейы фæуадзынц цæхгæр фæзилæнтæ, ариуыгъынц тæссаг трамплинты сæрты, цыма дымгæйæн *вдисынц, се *фсæйнаг бæхтæ уымæй цырддæр кæй сты, уый.
Мотокроссы архайынц 70 спортсменæй фылдæр бæстæйы алы регионтæй. Уыдонæй алкæйыдæр фæнды йæ арæхстдзинад равдисын æмæ ерысы тых банкарын.
Экстремалон цыд æрмæст фæлтæрдджын спортсментæ не *вдисынц, фæлæ æрыгон мотоциклисттæ дæр. Сæ ныхæстæм гæсгæ, дызæрдыг ницæуыл фæкæнынц, тæрсгæ та нал кæнынц, ацы спорты хуыз куы равзæрстой, уыцы бонæй фæстæмæ. Мотокроссты архайын фидæны чемпионтæ равзæрстой, сæ зæрдæты ацы спорты хуызмæ æгæрон уарзондзинад кæй ис, уымæ гæсгæ.
Ерыстæ ацыдысты Уæлахизы 80 азы кадæн æмæ сæрмагонд æфсæддон операцийы архайджыты номыл. Цæмæй æрыгон фæлтæр ма рох кæной Фыдыбæстæйы Стыр хæсты хъайтарты æмæ ныры рæстæг йæ бæстæйы сæраппонд чи тох кæны, уыцы *фсæддонты.
Фæстаг рæстæг мотоспорт республикæйы парахдæр кæны меценатты руаджы. Уыдоны *ххуыс, мотоциклетон змæлды ветеранты хъуыдымæ гæсгæ, фадат дæтты сæ бирæазон фæлтæрддзинад æрыгон фæлтæрмæ æнæвгъауæй хæццæ кæнынæн.
