Республикæйы хицауад 2015-æй 2021-æм азмæ цы программæ сфидар кодтой, уый фæрцы наркологон службæйы материалон-техникон бындур зынгæ фæфидардæр
Цæгат Ирыстоны бахыгътой наркотикты ныхмæ арæзт программæ æххæст кæныны хатдзæгтæ. Республикæйы хицауад 2015-æй 2021-æм азмæ цы программæ сфидар кодтой, уый фæрцы наркологон службæйы материалон-техникон бындур зынгæ фæфидардæр. Наркотикты ныхмæ къамисы æмбырд арæзт æрцыди Битарты Вячеславы разамындæй. Республикæйы наркологон диспансеры сæйраг дохтыр Гæзаты Алыксандр йæ раныхасы радзырдта æмæ дзуапп радта сæ æртæ азы куысты бæрæггæнæнты тыххæй. Уыцы рæстæгмæ сын бантысти медицинон æмæ лабораторон кусæнгæрзтæ балхæнын. Сцалцæг кодтой стационарон æмæ диспанеры бæстыхай. Арæзт æрцыди спортивон-дзæбæхгæнæн комплекс. Абон наркологон диспансеры ис рынчын адæмæн æххуыс кæныны æппæт къæпхæнтæ. Уый, профилактикæ, цæстдард, дзæбæхгæнæн мадзæлттæ, медикон-социалон æмæ фæллойадон реабилитаци.
