22 февраля 2024, 11:09
Цæгат Ирыстоны байгом кодтой 71 афтекы
Хæстæгдæр рæстæг та ма ахæм хорздзинад фæзындзæн Южныйы æмæ Люба Кондратенкойы поселокты, стæй Притеречныйы.
Цæгат Ирыстоны байгом кодтой 71 афтекы. Уый тыххæй йæ тг-каналы фехъусын кодта республикæйы сæргълæууæг Сергей Меняйло. Ныр цæрджытæ хостæ балхæнынц хæстæг рæтты, раздæр ацы хъуыддагæй æййæфтой зындзинæдтæ, цæуын сæ хъуыди дард. Афтектæ байгом сты хъæуты фельдшерон-акушерон пунктты æмæ амбулаториты. Хостæй сæ ифтонг кæндзысты, адæм фылдæр цы агурынц, уый хынцгæйæ. Афтектæй баххæст кодтой æнæхъæн республикæ, зæгъы, сæргълæууæг. Хæстæгдæр рæстæг та ма ахæм хорздзинад фæзындзæн Южныйы æмæ Люба Кондратенкойы поселокты, стæй Притеречныйы.
темæмæ гæсгæ
