Нысанмæ арæзт федералон программæ сфидар кодта Уæрæсейы премьер-министр Дмитрий Медведев.
Цæгат Ирыстоны базилдзысты 70 æфсæддон ингæнмæ. Нысанмæ арæзт федералон программæ сфидар кодта Уæрæсейы премьер-министр Дмитрий Медведев. Уый тыххæй фехъусын кодтой нæ бæстæйы Хицауады официалон сайты. Программæйыл бакуыстой Уæлахизы 75 азы бонмæ. Æмтгæй райсгæйæ йын радих кодтой 5 миллиард сомы, уыдоны 4 миллиарды – федералон бюджетæй.
Цæгат Ирыстон сæрбæрзонд кæмæй у, ахæм экспонаттæ равæрдтой ацы залы. Отставкæйы булкъон Юрий Титаренко – у ветеранты советы уæнг. Æмбырд кæны хъæбатырты къамтæ. Стыр æргом здахы Ирыстоны æмæ нæ бæстæйы сæраппонд чи тох кодта, уыдоны тыххæй мысинæгтæ. Уыцы нæмттæ хаст æрцæудзысты чиныг «Уæлахизы салдæтты» æхсæзæм томмæ. Уый у стыр фæллой, зæгъы зындгонд тæхæг Бедойты Руслан. Махæн та нæ хæс у хъæбатырты сгуыхтдзинæдтæ зæрдыл дарын, æмæ æппæт æфсæддон ингæнтæм базилын.
Стыр бæстæйы фæлтæрты, адæмты æмæ регионты бастдзинад банкъарæн ис, Мичурынихъæумæ хæстæг цы мемориалон комплекс сног кодтой, уым. Æфсæддон историк æмæ активон æхсæнадон архайæг Алина Акоефф 5 азы дæргъы архайы проект «Хæсты фæд»-ы. Уый фæрцы бантыст, Дзæуджыхъæу хъахъхъæнгæйæ æфсымæрон ингæны цы 736 салдаты ныгæд æрцыдысты, уыдоны нæмттæ сбæрæг кæнын. Алинæмæ ис стыр фæлтæрддзинад архивон æрмæджытимæ кусгæйæ. Ахæм куыст кæндзæн дарддæр дæр. Ныртæккæ стыр æргом здæхт цæуы Дзæуджыхъæуы, госпитальный уæлмæрд кæй хонынц, уымæ. Ныгæд дзы æрцыдысты 300 салдаты онг. Фæлæ номарæн бынат æрцыд заууат уавæрмæ. Рæстæгæй-рæстæгмæ дзы бакусынц волонтертæ, фæлæ уый фаг нæу.
Федералон проект æххæст кæнгæйæ, хъуамæ радих кæной 5 миллиард сомы. Уыдонæй 4 миллиарды сты федералон бюджеты фæрæзтæ. Æдæппæтæй нæ бæстæйы базилдзысты 9 мины æмæ 500 æфсæддон ингæнмæ. Сæвæрдзысты 6 мин номарæн нысанæй фылдæр, æмæ дзы бафысдзысты 250 мин салдаты номы.
