Радон мадзал ацыд Хъесаты Астаны уынджы
Цæгат Ирыстоны дарддæр æххæст кæнынц сидзæр сывæллæттæн фатертæ дæттыны программæ. Радон мадзал ацыд Хъесаты Астаны уынджы. Уым ногарæзт хæдзæртты ног цæрæнуæттæй дæгъæлтæ радтой 22 адæймагæн. Мадзалы архайдтой вице-премьертæ Тугъанаты Ларисæ, Бокоты Эльбрус стæй фæллойы æмæ социалон рæзты министр Айдарты Алинæ. Раздæр та, 17-æм январы, ног фатертæй дæгъæлтæ радтой, æнæ ныййарджыты æххуысæй чи баззад, уыцы сывæллæттæн. Æрмæст ивгъуыд аз профилон министрад балхæдта 75 хæдзары, куыд Дзæуджыхъæуы афтæ районты дæр. Ацы аз уыцы куыст дарддæр ахæццæ кæндзысты æмæ фатерты нымæц зынгæ фæфылдæр уыдзæнис. Уæ зæрдыл уын æрлæууын кæндзыстæм — сидзæр сывæллæттæн цæрæнуæттæ раттын Сергей Меняйло банымадта социалон нысантæн сæ сæйрагдæрыл. Фæллойы æмæ социалон рæзты министрады куыд фехъусын кодтой, афтæмæй ныртæккæ фатертæм рады лæууынц 1400 адæймаджы. цæрæнуæттæ сын дæтдзысты радыгай.
