филиал вгтрк государственная телерадиовещательная компания “Алания”

Цæгат Ирыстоны дарддæр æмбырд кæнынц Фыдыбæстæйы Стыр хæсты архайджыты къамтæ. Уыдонæй спайда кæндзысты, хæсты тыххæй мозаикон нывтæ аразгæйæ. Фенæн сæ уыдзæнис Уæрæсейы гæрзифтонг тыхты сæйраг аргъуаны. Къамтæ ис æрбахæссæн районты æфсæдтон комиссарадтæм æмæ æфсæддон службæмæ æвзарæн пункттæм. Къамæй уæлдай хъæуы фæбæрæг кæнын, хæстоны ном æмæ мыггаг, стæй йæ райгуырды аз. Уыцы информаци æмбырд кæнынц Уæрæсейы гæрзифтонг тыхты сæйраг музейы проект «намысы фæндаг» æххæсткæнгæйæ. Сарæзтой йæ Уæлахизы æвдай фондз азы кадæн. Проект баиу кæндзæн дæс милуан къамæй фылдæр. Уыдон уыдзысты, Уæлахизмæ йе вæрæн чи бахаста, уыцы адæм.