«Фыдыбæстæ Хъахъхъæнджыты» фонды цæгатирыстойнаг филиалы кусджытæ, йе *нæниздзинад хъыгдард кæмæн у, уыцы ветерантæн æххуыс кæнынц сæ цæрæнуæттæ сæ уавæрмæ гæсгæ адаптаци скæнын
Цæгат Ирыстоны дарддæр алывæрсыг æххуыс цæуы сæрмагонд æфсæддон операцийы хæстонтæн. «Фыдыбæстæ Хъахъхъæнджыты» фонды цæгатирыстойнаг филиалы кусджытæ, йе *нæниздзинад хъыгдард кæмæн у, уыцы ветерантæн æххуыс кæнынц сæ цæрæнуæттæ сæ уавæрмæ гæсгæ адаптаци скæнын. Ахæм курдиат фыццæгтæй иу балæвæрдта сæрмагонд операцийы ветеран Валерий Васильев. Адаптацийы программæмæ гæсгæ инфтонггæрзтæ райсыны процесс фæтагъддæр кæнын бантыст Паддзахадон Думæйы депутат Таймазты Артуры æмархайдæй.
Æрæджы дæр ма Валерий Васильевы уырнгæ дæр нæ кодта, шофыры бынаты кæй уыдзæн, уый. Уæззау цæфы фæстæ йæ бон нæ уыд æрмæст машинæйыл цæуын нæ, ахуыр кодта суанг хуымæтæджы бадыныл дæр.
Æрæджы Валерий бахауд, йе нæниздзинад хъыгдард кæмæн у, сæрмагонд операцийы уыцы ветеранты цæрæнуæтты адаптацийы программæмæ. «Фыдыбæстæ Хъахъхъæнджыты» фонды цæгатирыстойнаг филиалы йын радтой компьютерæн стъол æмæ зондджын колонкæ. Уыдон ын йæ фарстатæ нæ лыг кæнынц, фæлæ цард чысыл рогдæр кæнынц.
Ныртæккæ сæрмагонд операцийы ветеран кусы горæты администрацийы. Уым ын æппæт уавæртæ сарæзтой.
Валерийæн куыст ссарын баххуыс кодта «Фыдыбæстæ хъахъхъæнджыты» фонд. Организаци абоны онг бадзырдтæ бафыста æрмæст горæты администрациимæ нæ, фæлæ ма республикæйы дондзæуæн куыстуатимæ, стæй фæллойы æмæ социалон рæзты æмæ ахуырады министрадтимæ.
Сæрмагонд операцийы алы ветеранæн дæр ног куыст у, æхсæнадæн та пайда æрхæссын кæм ис, уыцы ног цардмæ къахдзæф.
