Уæвгæ, национ бæрæгбæттæ фадат дæттынц не гъдæуттæ æмæ традицитæ фæсивæдмæ æмæ рæзгæ фæлтæрмæ хæццæ кæнынæн
Цæгат Ирыстоны дарддæр бæрæг кæнынц сæ кадджындæр национ бæрæгбон Джеоргуыба. Уæвгæ, национ бæрæгбæттæ фадат дæттынц не гъдæуттæ æмæ традицитæ фæсивæдмæ æмæ рæзгæ фæлтæрмæ хæццæ кæнынæн. Кæстæртæ зæрдиагæй фæкæсынц хистæрты архайдмæ, ахуыр кæнынц æмæ сæ зæрдыл бадарынц сæйрагдæр хъуыддæгтæ. Лæгты дзуармæ кувæн къуыри фæуыдзæн иннæ къуырисæры, 28-æм ноябры. Зæгъдзыстæм ма уый дæр, æмæ Джеоргуыба фæбæрæг кæнынц алы хæдзары дæр, куыд хъæуты, афтæ горæты. Бæрæгбоныл ирон æгъдаумæ гæсгæ сæмбæлдысты Дзæуджыхъæуы Московскийы уынджы бирæфатерон хæдзары цæрджытæ. Национ хойрæгтæй скувгæйæ, Хуыцауæй ракуырдтой дунейы сабырдзинад, æнæниздзинад, фарн æмæ амонд.
