Йæ программæтæй иу сси культурон сесси «Ирыстон глобалон историйы»
Цæгат Ирыстоны дарддæр кусы æппæтадæмон ахастдзинæдты мæскуыйаг паддзахадон институты сæрдыгон скъола. Йæ программæтæй иу сси культурон сесси «Ирыстон глобалон историйы». Спикертæ систы историйы æмæ археологийы институты директор Бзарты Руслан, республикæйы культурæйы министры хæдивæг Хъуыссæты Зæлинæ. Литературон журнал «Дарьял»-ы сæйраг редактор Цхуырбаты Алан студенттæн радзырдта Гæздæнты Гайтойы царды тыххæй. Интерактив сарæзтой сывæллæтты журнал «Ногдзау»-ы сæйраг редактор Сæлбиты Дианæ æмæ Мæскуыйæ юрист æмæ педагог Маргарита Исаакова. Уый ахадгæйæ ахуыр кæны ирон æвзаг æмæ культурæ. Æппæтадæмон ахастдзинæдты мæскуыйаг паддзахадон институты сæрдыгон скъола кусы, республикæ æмæ ахуыргæнæндоны *хсæн цы бадзырд фыст æрцыд, уымæ гæсгæ.
