Ивгъуыд къуыримæ нæ республикæйы æрцыд 47 зынгсирвæзты
Цæгат Ирыстоны дарддæр кусы бæрзонд цæттæдзинады фæтк. Ивгъуыд къуыримæ нæ республикæйы æрцыд 47 зынгсирвæзты. Се ппæт дæр афоныл ахуыссын кодтой, хъыгдард ничи баййæфта. Уый тыххæй æрвылкъуырион аппаратон æмбырды фехъусын кодта Томайты Ирбег. Хицауады сæрдары хæдивæг ма загъта, авгъуыд къуыримæ кæй æрцыд 74 фæндаггон-транспортон фыдбылызы. Алыхуызон цæфтæ фесты 22 адæймаджы. Уæлдай æргом, раздæрау, здæхт цæуы Арвы комы фæндагмæ. Ныртæккæ дзы сæ радмæ æнхъæлмæ кæсынц 1300 уæзласæн машинæйы. Æдппæтæтæй та дзы фæстаг авд бонмæ дыууæрдæм дæр ацыд 29 мин машинæйы. Æмбырды ма ныхас цыд эпидемиологон уавæрыл дæр. Сезонмæ гæсгæ низтæ нæ республикæйы нæ бахыгътой. Хæцгæнизтæ та сты рæстæмбис нымæцты онг. Уыимæ 6000 сывæллоны сæ фæллад уадзынц сæрдыгон дзæбæхгæнæн кампанийы фæлгæты. Уыдонæй 5000 сывæллоны сты республикæйы лагерьты, 340 адæймаджы абалц кодтой Краснодары крайы Сау денджызмæ. Аппаратон æмбырды ма фехъусын кодтой, ногæй кæй райдыдтой Дыгургомы тъунелы рацарæзты куыстытæ. Раздæр уал рæстæгмæ æрлæууыдысты, экспертизæ кæй цыди æмæ графикыл кæй куыстой, уый тыххæй. Ныртæккæ та цæуынц бæлвырд фæткмæ гæсгæ. Объект эксплуатацийы раттынмæ хъавынц ацы азы кæронмæ.
