Ныртæккæ паддзахады раз ис хæс æвæрд
Цæгат Ирыстоны дарддæр цæуы коронавирусы ныхмæ вакцинаци. Ныртæккæ паддзахады раз ис хæс æвæрд. Кæй фæнды, уыдонæн фадат радтын вакцинаци скæнынæн. Уый хыгъд адæмæн сæ фылдæр хайæн сæ бон иу хъуыдымæ æрцæуын нæу. Иуæй – адæймаг вакцинæ скæнгæйæ йæхи хъахъхъæны низæй, иннæмæй та – дызæрдыг кæнынц, ницы зиан æрхæсдзæн æнæниздзинадæн, зæгъгæ. Вакцинæ кæнынц 2 къæпхæнæй. Прививкæйы тыххæй бæлвырддæр радзурдзæн Касаты Наирæ.
Анатолий Бесплеменовыл цæуы 52 азы. Вакцинаци Цæгат Ирыстоны кæнын райдыдтой, зæгъгæ уый куы базыдта, уæд æй сфæнд кодта скæнын. Дызæрдыг ыл нæ кодта. Фидарæй йæ уырны, прививкæ йæ вирусæй кæй бахъахъхъæндзæн, уый. Анатолий рады лæууы вакцинацийы дыккаг къæпхæнмæ. 3 къуырийы размæ ацыдысты вакцинацийы фыццаг къæпхæн, æмæ сæхи æнкъарынц иттæг хорз. Æвзæрырдæм сыл нæ рахатыд.
Препарат «Гам-ковид-Вак» — дыууæ хъацæнæй арæзт уæрæсеаг вакцинæ. Цæмæй вакцинци скæнай, уый тыххъæй хъæуы участочы терапевтæй гæххæт райсын. Прививкæтæ скæнæн ис æрмæст медицинон кусджытæн нæ, фæлæ кæй фæнды, уыдонæн се ппæтæн дæр. Иммунизаци ацæуæн ис горæты æртæ поликлиникæйы. 1-æм, 4-æм æмæ 7-мы. Вакцинæ скæныны фадат ис районты цæрджытæн дæр. Уый тыххæй хъуамæ æнæниздзинадхъахъхъæнынады министрадмæ барвитой курдиат. Ифтонг сæ кæнынц транспортæй дæр.
Вакцинаци цæуы дарддæр. 18 азæй уæлæмæ кæуыл цæуы, уыдоны бон у прививкæ скæнын. Фæлæ хъуамæ адæймаг бар райса дохтырæй. Се ппæтæн æй кæнæн нæй. Аллергийæ кæнæ æндæр низтæ кæмæ ис, ахæмтæн æй кæнæн нæй. Абоны онг Цæгат Ирыстоны прививкæтæ скодтой 167 адæймаджы.
