Мæздæджы районы æрмæст ивгъуыд къуырийы раргом кодтой 60 закъонхæлды.
Цæгат Ирыстоны дарддæр цæуынц паддзахадон автоинспекцийы рейдтæ «Тонировка» сæргондимæ. Инспектортæ сæрмагонд кусæнгæрзтæй бæрæг кæнынц, машинæты æвгтыл тар цъæрттæ ис, æви нæ, уый. Пъæлицæйæгтæ рейдтæм здахынц æхсæнады *ргом дæр. Алцыдæр закъонмæ гæсгæ. Алыхуызон æхсæнадон организациты минæвæрттæ сæ цæст дарынц, куыстытæ раст цæуынц, уымæ, стæй шофыртæ административон æгъдауæй закъонмæ гæсгæ æфхæрд цæуынц, æви нæ, уымæ. Техникон регламенты домæнтæ чи не ххæст кæна, ууыл ныффыссынц административон протокол, стæй ивар 500 сомы. Кæд бæлвырд æмгъуыдмæ шофыр йæ ивар нæ бафида, уæд та йын схиздзæн 1000 соммæ, кæнæ та ахст уыдзæни 15 суткæйы. Мæздæджы районы æрмæст ивгъуыд къуырийы раргом кодтой 60 закъонхæлды.
