Республикæйы Сæргълæууæг Сергей Меняйлойы амындмæ гæсгæ, æххæстгæнæн хицаудзинады оргæнты æмæ муниципалитетты минæвæрттæ рацыдысты территоритæ æфснайынмæ
Цæгат Ирыстоны дарддæр цæуынц зиутæ. Республикæйы Сæргълæууæг Сергей Меняйлойы амындмæ гæсгæ, æххæстгæнæн хицаудзинады оргæнты æмæ муниципалитетты минæвæрттæ рацыдысты территоритæ æфснайынмæ. Дзæуджыхъæуы ныридæгæн бафснайдтой чысыл Доны станцæйы территори, Металлургты Галуаны сквер. Уæдæ æфснайынц горæты æндæр хæйтты дæр. Зиутæ арæзт цæудзысты, цалынмæ горæт сыгъдæггонд не рцæуа, уæдмæ, – загъта Дзæуджыхъæуы адмнистрацийы сæргълæууæг Милдзыхты Вячеслав. Акци саразыныл бакуыстой промышленнон æмæ ирыстойнаг районты администрацитæ стæй æрдзон æвæрынты æмæ экологийы министрад. Зиуты фæархайынц Цæгат Кавказы хæххон металлургон институты æмæ финаснон академийы студенттæ, стæй кæй бафæнда, уыдон дæр.
