филиал вгтрк государственная телерадиовещательная компания “Алания”

Цæгат Ирыстоны делегаци архайдта сывæллæтты 2-æгæм æппæтадæмон культурон форумы. Уыд Мæскуыйы. Егъау мадзал баиу кодта 2 мин сывæллонæй фылдæр Уæрæсейы алы регионтæй æмæ хæстæг фæсарæйнаг бæстæтæй. Республикæйы делегацийы хыгъды – Гергиты Валерийы номыл аивæдты Дзæуджыхъæуккаг колледжы студенттæ, Петр Чайковскийы номыл сывæллæтты 1-аг музыкалон скъолайы ахуырдзаутæ, Ирина Беловайы æвзонг журналистты скъола «Эрассик»-ы уацхæсджытæ. Форумы сæйраг фæз сси аивадон центр «Новая Третьяковка». Мадзалы уыд алыхуызон секцитæ æмæ тематикон къордтæ. Рæзгæ фæлтæр архайдта цымыдисаг дискусситы, дæсныйадæвдисæг ахуырты. Фæцис сын, кадджын уазджытæм фарстатæ радтыны фадат, сæ хыгъды Уæрæсейы Федерацийы культурæйы министр Ольга Любимова дæр.