Фыдыбæстæйы Стыр хæсты уæлахизы 80 азы кадæн, мадзал саразыныл бакуыста Уæрæсейы æфсæддон-историон æхсæнад
Цæгат Ирыстоны делегаци архайы Æппæтуæрæсеон патриотон сменæ «Хъæбатырты бæстæ»-йы Волгограды. Фыдыбæстæйы Стыр хæсты уæлахизы 80 азы кадæн, мадзал саразыныл бакуыста Уæрæсейы æфсæддон-историон æхсæнад. Уыимæ у национ проект «Бинонты» хай. Сменæйы нысан у – фæсивæды æфсæддон-патриотон хъомыладыл кусын, историон намыс хъахъхъæнын æмæ фæлтæртимæ бастдзинад фидардæр кæнын. Программæ æххæст кæнгæйæ, йæ архайджытæ æмбæлынц эксперттимæ æмæ агурджытимæ, сæхи фæлварынц, Уæрæсейы историимæ баст ахуырадон программæты. Уымæй дарддæр ма фæсивæдæн аразынц сфæлдыстадон æмæ спортивон мадзæлттæ. Ирыстоæйнга делегацийы хыгъды сты 8 адæймаджы – аивæдты лицейы ахуырдзаутæ, культурæйы колледжы æмæ Гергиты Валерийы номыл аивæдты колледжы студенттæ.
