03 июня 2020, 16:27
Цæгат Ирыстоны дзæбæхгæнæн сæрдыгон кампанийы мгъуыд ахастой фæстæдæрмæ
153 республикон сæрдыгон уагдоны цæттæ уыдзысты 1-æм июльмæ
Цæгат Ирыстоны дзæбæхгæнæн сæрдыгон кампанийы мгъуыд ахастой фæстæдæрмæ. 153 республикон сæрдыгон уагдоны цæттæ уыдзысты 1-æм июльмæ. Уæд суазæг кæндзысты сывæллæтты фыццаг фæлтæр. Уæдмæ та уал санаториты æмæ лагерьты разамонджытæ хъуамæ сæхи бацæттæ кæной Уæрæсейы фæлхасадмæ цæстдарды цæгатирыстойнаг Управленийы ног домæнтæ æмæ амынддзинæдтæ сæххæст кæнынмæ.
Фæлладуадзджыты æдасдзинадæн æнæмæнг домæн у маскæтæ дарын, æмæ дезинфекцион фæрæзтæй пайда кæнын. Уымæй дарддæр, регламентмæ гæсгæ, сæрдыгон фæлладуадзæн объекттæ исдзысты, сæ бон цас у, уымæн се рдæг. Æдæппæтæй ресупбликæйы сæрдыгон объекттæ суазæг кæндзысты 11 мин сывæллоны.