Фæллойадон чингуытæ электрон хуызы раивыны тыххæй закъон йæ тыхы куы бацыд, уæдæй фæстæмæ йæ Цæгат Ирыстоны равзæрстой 8636 адæймаджы. Уыдонæн сæ фылдæр, ома 60% кусынц Дзæуджыхъæуы. Уымæй дарддæр Кировы районы ацы хуыз равзæрстой 45 адæймаджы, Дыгуры районы – 143, Æрæфы та – 140 адæймаджы. Уæ зæрдыл уын æрлæууын кæндзыстæм, электрон хуызы фæллойадон чиныджы фыст ис æппæт æмбæлгæ бæрæггæнæнтæ. Уыдон ныммыхуыр кæнæн ис Уæрæсейы Пенсион Фонды сайты хи кабинеты, кæнæ паддзахадон лæггæдты уылты. Бæрæггæнæнтæн ахадындзинад ис æппæт инстанциты. Стæй ма иу ахсджиаг хъуыддаг – бæрæггæнæнтæ цæуынц хъахъхъæд. Гæххæттын хуызæй электронмæ рацæуæн ис цыфæнды рæстæг дæр. Уый фæстæ гæххæттын фæллойадон чиныг кусæг райсы йæхимæ. Бæлвырддæр хабæрттæ базонæн ис Уæрæсейы Пенсион Фонды сайты хайад «Электронная трудовая книжка»-йы.
16 ноября 2021, 11:45
Цæгат Ирыстоны электрон фæллойадон чингуытæ равзæрстой 8636 адæймаджы