Уый тыххæй аппаратон æмбырды фехъусын кодта республикæйы сæйраг санитарон дохтыр Тыбылты Алан.
Цæгат Ирыстоны фæкъаддæр коронавирусæй рынчынты нымæц. Уый тыххæй аппаратон æмбырды фехъусын кодта республикæйы сæйраг санитарон дохтыр Тыбылты Алан. Афтæ, ивгъуыд къуримæ рынчындæттæм æрбацыд 4% къаддæр адæм. Æнæниздзинадхъахъхъæнынады министрады бæрæггæнæнтæм гæсгæ ныртæккæ медицинон уагдæтты ис 659 пациенты. Æдæппæтæй та ковид-госпиталы ис 963 бынаты. Уыдонæй 30% сты уæгъд. Хицауады сæрдары хæдивæг Тугъанаты Ларисæ куыд радзырдта, афтæмæй 250 адæймаджы ныртæккæ сты ковиды фæстæ реабилитацийы. Æмтгæй райсгæйæ та, фæллойы æмæ социалон рæзты министрадмæ курдиæттæ балæвæрдтой 700 адæймаджы. Специалистты ныхсæтæм гæсгæ ма фæкъаддæр вакцинацийы цыд дæр. Æдæппæтæй Цæгат Ирыстоны коронавирусы ныхмæ прививкæтæ скодтой 220 адæймаджы.
Æмбырды ма Сергей Меняйло фехъусын кодта цалдæр амынддзинады тыххæй. Бæлвырддæр та баст уыдысты ног азы бæрæгбæтты куысты фæткимæ. Хъуамæ æхсæнадон транспорт кусы æнæ къуылымпытæй. Уæдæ ресурсон организацитæ дæр хъуамæ уой цæттæ. Дзæуджыхъæуы бынæттон администрацийæн республикæйы Сæргълæууæг бабар кодта базилын маршал Воробьевы номарæн фæйнæгмæ, стæй ма скъолаты Фыдыбæстæйы Хъæбатыртæн бюсттæ сæвæрын. Сергей Меняйло ма ныхас кодта горæты æхсæнадон тыгъдадыл. Зонæтæн проекттæ аразыны куыст хъуамæ зынгæ фæтагъддæр уа. Районты сæргълæуджытæм дзургæйæ та, Сергей Меняйло загъта, муниципалон скондты социалон-экономикон рæзтæн программæтæ бацæттæ кæнын кæй хъæуы, уый.
