Уый тыххæй хъусын кæнынц уæрæсейы фæлхасадмæ цæстдарды специалисттæ
Цæгат Ирыстоны фæкарздæр грипп æмæ орвийы эпидемиологон уавæр. Уый тыххæй хъусын кæнынц уæрæсейы фæлхасадмæ цæстдарды специалисттæ. Уæлдай фылдæр рынчынтæ ис хистæр кары адæмæй. Сæ нымæц сырæзт скъоладзауты æхсæн дæр. Æрмæст фæстаг къуырийы дæргъы дохтырты æххуыс бацагуырдой æртæ мин адæймаджы. Æртын проценты фæфылдæр, тагъд æххуысмæ чи фæдзуры, уыцы адæмы бæрц дæр. Сæ фылдæр хъаст кæнынц бæрзонд температурæ æмæ æхснырсæджы миниуджытæй. Уый тыххæй рахастой уынаффæ, цæмæй бригадæты нымæц æртын дыууæйæ фæфылдæр кæной цыппоры онг. Уæд республикæйы кусдзæнис æстай бригадæйы. Специалистты хъуыдымæ гæсгæ, профилактикæйы сæйраг мадзал у иммунизаци æмæ адæмы зæрдыл лæууын кæнынц, Цæгат Ирыстоны поликлиникæты вакцинæ фаг кæй ис, уый.
