29 марта 2022, 12:09
Цæгат Ирыстоны фæндæгтыл æдасæй цæуыны Паддзахадон инспекцийы кусджытæ баурæдтой 400 барадхалæджы
Уæвгæ операцийы нысан уыд – фæндаггон фыдбылызтæ фæкъаддæр кæнын
Цæгат Ирыстоны фæндæгтыл æдасæй цæуыны Паддзахадон инспекцийы кусджытæ, сæрмагонд профилактикон мадзалы рæстæг, баурæдтой 400 барадхалæджы. Уæвгæ операцийы нысан уыд – фæндаггон фыдбылызтæ фæкъаддæр кæнын. Уæлдай цæстдард æрцыд, сæ ивартæ чи нæ фиды, уыцы шофыртæм. Мобилон экипажты инспектортимæ сæ куыст хастой тæрхондоны пъырыстыфтæ. 2500 хæдтулгæйы та басгæрстой наркотикты æнæзакъон зилдухмæ, стæй хæцæнгарз æмæ рæмудзæн æрмæг ласыны хъуыддаг раиртасыны фæдыл. Урæд æмæ сæрмагонд машинæты æрлæууæн бынатмæ æрвыст æрцыд 28 хæдтулгæйы.
