Ацы темæйыл ныхас цыди хæххон металлургон институты фæсарæйнаг студенттимæ
Цæгат Ирыстоны фæсарæнтæй цы студенттæ ис, уыдоны терроризмы æууæлтæй бахъахъхъæнын. Ацы темæйыл ныхас цыди хæххон металлургон институты фæсарæйнаг студенттимæ. Бакастысты сын радон рухстауæн лекци, равдыстой сын ахуырадон документалон киноныв. Мадзалы архайдтой дины кусджытæ дæр. Се ппæт фæсарæйнаг студенттимæ дæр куыст цæуы ирон адæмы традицитæ æмæ культурæ ахуыр кæныны къабазы. Традицион фембæлдтыты ныридæгæн ис хорз бæрæггæнæнтæ. Специалисттæ куыд зæгъынц, афтæмæй терроризм рагæй дæр сси æппæт дунейы зианхæссæг фæзынд. Уымæ гæсгæ фæсарæйнаг фæсивæдимæ æмбарынгæнæн куыст кæнын у актуалон. Ахæм мадзæлттæ ныр 15 азы цæуынц республикайы æппæт уæлдæр ахуыргæнæндæтты. Арæзт сты нациты ахастдзинæдты фарстаты фæдыл министрады хъæппæрисæй.
