02 марта 2020, 18:19
Цæгат Ирыстоны фæсивæд дæр бацархайдтой Æппæтуæрæсеон акцийы «Æфсадмæ иу бонмæ»
Æппæтуæрæсеон адæмон фронты фæсивæдон къорды уæнгтæ нæ республикæйы астæуккаг сæрмагонд ахуыргæнæндæтты хъомылгæнинæгтимæ иумæ абалц кодтой 58-æм æфсады 19-æм дивизимæ
«Æфсадмæ иу бонмæ». Куыд нæ бæстæйы æппæт субъектты, афтæ Цæгат Ирыстоны фæсивæд дæр бацархайдтой Æппæтуæрæсеон акцийы. Æппæтуæрæсеон адæмон фронты фæсивæдон къорды уæнгтæ нæ республикæйы астæуккаг сæрмагонд ахуыргæнæндæтты хъомылгæнинæгтимæ иумæ абалц кодтой 58-æм æфсады 19-æм дивизимæ. Уым фæсивæдæн равдыстой Фыдыбæстæйы Стыр хæсты рæстæджы техникæ æмæ нырыккон хæцæнгарзы хуызтæ, радзырдтой сын сæ техникон характеристикæты тыххæй. Уымæй дарддæр лæппутæн бацамыдтой, Калашниковы автомат куыд æмбырд кæнын æмæ райхалын хъæуы, уый.
