Сæ хатдзæгтæгæнæн конференци арæзт æрцыд Дзæуджыхъæуы 5-æм училищæйы
Цæгат Ирыстоны фæсивæдæн фылдæр гæнæнтæ саразыныл архайы æппæтуæрæсеон æхсæнадон Паддзахадон физкультурон–спортивон иугонд «Уæрæсейы æвзонгдзинад»-ы регионалон хайад. Сæ хатдзæгтæгæнæн конференци арæзт æрцыд Дзæуджыхъæуы 5-æм училищæйы. Мадзалы сæйраг нысан уыд организацийæн ног разамонæджы равзарын, стæй æппæт æрбацæуджыты фидæны куысты пъланимæ базонгæ кæнын. Уыимæ скæнын хатдзæгтæ сæ афæдзы куыстæн. Цæгат Ирыстоны регионалон хайады сæргълæууæг Бигъаты Олег радзырдта Уæрæсейы æмвæзады цы егъау мадзæлттæ сарæзтой, уыдоны тыххæй. Конференцийы уæнгтæ уыдысты республикæйы профессионалон ахуырадон уагдæдты ахурдзауты спортивон цæттæдзинадыл кусджытæ. Уыдон равзæрстой регионалон хайады ног сæрдары. Ныр уыцы хæстæ æххæст кæндзæн Сергей Шиленко. Ног разамонæгæн раарфæ кодта Уæрæсейы æхсæнадон- Паддзахадон Физкультурон –Спортивон иугонд «Уæрæсейы æвзонгдзинад»-ы разамонæг Абайты Алан. Стæй куыд фæбæрæг кодта, афтæмæй сæ размæ æвæрд хæстæ арæзт цы проектæм гæсгæ цæудзысты, уыдонæй иу у «Все лучшее детям».
