Йæ архайджытæ – 600 адæймаджы, куыд бынæттон цæрджытæ, афтæ туристтæ – базонгæ сты регионы истори æмæ культурæимæ, традицион хæринæгтимæ, лæвар сын сарæзтой экскурситæ республикæйы 3 коммæ
Цæгат Ирыстоны фæци егъау этно-фестиваль «Весь мир – мой храм». Йæ архайджытæ – 600 адæймаджы, куыд бынæттон цæрджытæ, афтæ туристтæ – базонгæ сты регионы истори æмæ культурæимæ, традицион хæринæгтимæ, лæвар сын сарæзтой экскурситæ республикæйы 3 коммæ. Фестиваль арæзт æрцыд культурон хъæппæристы президентон фонды гранты фæрцы. Бæлвырддæр радзурдзæн Чехойты Фатимæ.
Фыццаг æппæтуæрæсеон этнофестиваль «Весь мир – мой храм»-ы архайджытæ фæхæстæгдæр сты Цæгат Ирыстоны истори æмæ æрдзмæ. 600 адæймаджы систы стыр бæрæгбоны хай, базонгæ сты фыдæлты хæзнатимæ. Уазджытæн бацæттæ кодтой алывæрсыг программæ: аивады æрмдæсныты армукъа, дæсныйадæвдисæн ахуыртæ, уыдис сын национ хæринæгтæй ацаходыны бар. Туристтимæ иумæ райгуырæн зæххы тыххæй хабæрттæ базыдтой бынæттон цæрджытæ. Пилиты Динæ йæ хæлæрттимæ фыццаг хатт архайы фестивалы.
Экскурсион маршрут » Æртæ комы» уыд программæйы цымыдисагдæр хай. Хуымæтæг мадзал нæ уыд, фæлæ ивгъуыд æнустæм æцæг балц, уым культурæйы алы цыртдзæвæнæн дæр ис йæхи легендæ.
Этнофестиваль саразын бантыст культурон хъæппæристы Президентон фонды гранты руаджы. Сæйраг хæс æрмæст историон цыртдзæвæнты тыххæй радзурын нæ уыд, фæлæ туристтон бынæтты уæвæрмæ æхсæнады цæсæнгас раздахын. Регионы хæзнатæ уæвгæйæ, уыдон арæх вæййынц фæкæсинаг.
Уыдон сты ахуырады, социалон къабазы æмæ экологон проекттæ. Сæ саразджытæ зæгъынц: уый у уæрæх фæндагыл фыццаг къахдзæф.
