Дзæуджыхъæуы райдыдта кусын Уæрæсейы зонæдты академийы кусджыты профцæдисы 29-æм æппæтуæрæсеон ассамблея
Цæгат Ирыстоны сæйраг горæтмæ фыццаг хатт æрцыдысты Уæрæсейы наукæйы академийы зонæдты центрты минæвæрттæ бæстæйы алы регионтæй, уыимæ Хъырымæй æмæ Донецкы адæмон республикæтæй дæр. Дзæуджыхъæуы райдыдта кусын Уæрæсейы зонæдты академийы кусджыты профцæдисы 29-æм æппæтуæрæсеон ассамблея. Зонады æмæ ахуырады къабазы актуалон фæрстытыл ныхас æмæ кæрæдзийы фæлтæрддзинадимæ зонгæ кæнын – сты форумы нысантæ. Бæлвырддæр радзурдзæн Чехойты Фатимæ.
Уæрæсейы хуссар хайы æмæ ног территориты регионалон профцæдисон куыстуæтты архайд æмæ се *мгуыстад Ахуырад æмæ наукæйы министрадимæ æмæ Уæрæсейы зонæдты Академиимæ – уыцы фæрстытæ Уæрæсейы зонæдты Академийы Профцæдис равзæрста 29-æм Æппæтуæрæсеон ассамблеяйы сæйраг темæтæй. Ассамблеяйы ныхас цæудзæн Уæрæсейы зонады къабазы ахсджиагдæр фарстатыл.
Уæрæсейы зонæдты академийы кусджыты Профцæдис сæвзæрд 32 азы размæ. Уæдæй нырмæ Ассамблея Цæгат Кавказы Фæдералон зылды, уæлдайдæр та Дзæуджыхъæуы иу хатт дæр нæма уыд арæзт. Специалистты хъуыдымæ гæсгæ, ахсджиаг æмæ кады хос у, æппæтуæрæсеон форумы бынатæн Дзæуджыхъæу кæй равзæрстой, уый. Ахæм мадзæлттæ æххуыс сты регионты зонæдты центрты *хсæн бастдзинæдтæ фидар кæнынæн æмæ актуалон фарстатыл æрдзурынæн.
Уæрæсейы зонæдты академийы кусджыты Профцæдисы уæнгтæ сты, бæстæйы 40 регионæй зонæдты кусджыты Федералон агентадмæ цы наукон центртæ хауынц, уыдоны 70 мин кусæджы. Форум цæудзæн 3 боны. Йæ саразджытæ нысан кæнынц Уæрæсейы зонады къабазы сæйраг фарстатыл æрныхас кæнын.
