Низты хсæн – мæргъты грипп дæр
Цæгат Ирыстоны фыццаг хатт арæзт æрцыдысты егъау ахуыртæ, инфекцион низтæ парахат кæнын ма бауадзыны нысанимæ. Низты хсæн – мæргъты грипп дæр. Æрхъуыдыгонд цаумæ гæсгæ, Бехъаны сбæрæг кодтой, тæссаг низ кæм фæзынд, ахæм бынат. Ам профилон ведомствотæ бакуыстой сæ куысты мадзæлттыл. Кодтой диагностикæ, стæй бæлвырд куыст цыди низы фæстиуджытæ иуварс кæныны æмæ карантин сисыны тыххæй. Бынаты арæзт æрцыд æрхъуыдыгонд уадзæн пункт. Цыди дезинфекцион, стæй чи амард, уыцы мæргътæ куынæг кæныны куыст. Бакуыстой æппæт мадзæлттыл дæр. Бæлвырддæр та сбæрæг кодтой низ парахат кæныны арæнтæ. Сæрмагонд ахуырты архайдтой ветеринарон службæтæ, æнæнхъæлæджы уавæрты министрады специалисттæ, пъæлицæйы кусджытæ æмæ районы администрацийы минæвæрттæ.
