250 адæймаджы 36 регионæй архайынц аграрон къабазы егъау мадзалы.
Цæгат Ирыстоны фыццаг хатт цæуы картофы Æппæтуæрæсеон бон. 250 адæймаджы 36 регионæй архайынц аграрон къабазы егъау мадзалы. Хуыздæр специалисттæ дыууæ боны зонгæ кæндзысты хæрзыммаг картоф зайын кæныны нырыккон технологитимæ. Знон куыстуат ФАТ – Агройы каджын уавæры байгом кодтой картофæмбырдгæнæн бынат. Цæуы дзы 6000 тоннæйы. Ныридæгæн бæрæггонд у, компаниты къорд «Бавари»-йы 36 æмкусæджы уым дардзысты сæ продукци. Къабазы рæзтыл æмæ кæрæдзийы фæлтæрддзинадимæ зонгæ кæныны тыххæй дыууæ боны арæзт цæудзысты семнартæ æмæ æмбырдтæ. Специалистты хъуыдымæ гæсгæ, Ирыстоны куыст бафæзмынмæ цæттæ сты Уæрæсейы иннæ регионтæ дæр. Абон «Картофы Æппæтуæрæсеон боны» программæмæ гæсгæ йæ архайджытæ базонгæ уыдзысты, хæрзмыггаг картоф кæм зайын кæнынц, ахæм хъомылгæнæн бынат, уый фæстæ та дыууæ боны куыстæн хатдзæгтæ скæндзысты сæрмагонд æмбырды.
