Сергей Меняло йæ телеграм-каналы куыд фехъусын кодта, афтæмæй ивгъуыд къуырийы арæндонæй кæй рафыстой уыцы дыууæ æрыгон ныййарæджы фыццæгтæ райсдзысты фæйнæ 50 мин сомы
Цæгат Ирыстоны фыццаг сывæллон 25 азы онг кæмæн райгурыд, ахæм мадæлтæн райдыдтой уыцы иу хатт фиддонтæ дæттын. Сергей Меняло йæ телеграм-каналы куыд фехъусын кодта, афтæмæй ивгъуыд къуырийы арæндонæй кæй рафыстой уыцы дыууæ æрыгон ныййарæджы фыццæгтæ райсдзысты фæйнæ 50 мин сомы. Республикæйы бюджетæй ацы фиддонтæн радих кодтой 50 милуан сомы бæрц. Республикæйы разамонæг загъта: «Бæстæйы Сæргълæууæг ацы аз снысан кодта бинонты афæдзыл, æмæ йæ фæлгæты ахæм æххуыс у актуалон. Гæххæттытæ аразыны процедурæ у хуымæтæг. Ныййарджытæн арæндоны бацамондзысты, куыд æмæ цы кæнын хъæуы, уый, цæмæй фиддонтæ райсой». Æрыгон ныййарджытæн арфæ ракодта фæллойы æмæ социалон рæзты министр Айдарты Алинæ. Традицимæ гæсгæ ноггуырдтæн радта лæвæрттæ.
