Уый тыххæй, фехъусын кодтой аппаратон æмбырды
Цæгат Ирыстоны грипп æмæ æхснырсæгæй рынчынты нымæц фæкъаддæр 53%, афтæмæй республикæйы эпидемиологон уавæр у рæстæбис. Уый тыххæй, фехъусын кодтой аппаратон æмбырды. Сывæллæттæ ахуыр кæнын райдыдтой æрвылбоны фæткмæ гæсгæ. Профилон министр Алыбекты Эллæ куыд загъта, афтæмæй 20% рынчынтæ куы уа, уæд кълæстæ æмæ къордтæ æхгæндзысты карантины. Æмбырды ма ныхас цыди, сæрмагонд æфсæддон операцийы архайджытæн баххуыс кæныныл. Республикæйы Сæргълæууæг йе ргом аздæхта, чи фæмард, уыцы æфсæддонты бинонтæн баххуыс кæныны мадзæлттæм. Алкæмæ дæр дзы фидаргонд æрцæудзæн социалон кусæг. Фылдæр кæны республикæйы автопарк дæр. Ног автобустæ фæзындзæн Дзæуджыхъæу-Беслæн-ы маршрутыл. Сергей Меняйло бахæс кодта, ног транспорт раст адих кæнын, цæмæй, цух кæм æййафынц, уым сæ баххæст кæной.
