Баст у зындгонд советон æмæ уæрæсейаг ахуыргонд, филологон наукæты доктор, профессор Абайто Васойы райгуырды 125 азы бонимæ
Цæгат Ирыстоны гуманитарон æмæ социалон иртæстыты институты арæзт æрцыд æппæтадæмон Алайнаг симпозиум. Баст у зындгонд советон æмæ уæрæсейаг ахуыргонд, филологон наукæты доктор, профессор Абайто Васойы райгуырды 125 азы бонимæ. Симпозиумы программæ у хъæздыг. Хаст æм æрцыдысты алыхуызон сесситæ: «Нартамонгæ: знон, абон æмæ райсом», «Алайнаг энциклопеди». Наукон конференцийы архайджытæ æрныхас кодтой Нарты истори иртасыны нырыккон хуызтыл ХХI-æм æнусы. Сæ хъуыдымæ гæсгæ, Абайты Васойы наукон бынтæ иртасæн ис алывæрсыгæй. Проекттæй сæйрагдæр ахуыргæндтæ хонынц журнал «Нартамонгæ». Йæ рæстæджы уыцы стыр куыст адарддæр кодта Васойы ахуыргæнинаг Гусалты Виталий. Зонадон куыст баст у ирон адæмы истори, мифологи, культурæ æмæ æвзагимæ. Абон дæр рауагъдадыл фæллой кæнынц нæ бæстæйы æмæ фæсарæйнаг профессортæ алы наукон институттæй. Се ппæт дæр кусынц скифаг-алайнаг истори иртасыныл. Симпозиумы программæмæ гæсгæ арæзт æрцыд ног чиныджы презентаци дæр – «Scytho-Alano-Ossetica. Картина скифо-аланской преемственности осетинской культуры».
