Ведомствæты хсæн штабы æмбырд ацыд видеоконференцийы форматы
Цæгат Ирыстоны хъæбæр коммуналон хауæддзæгтæ куыд куыст цæуынц, уый тыххæй Сергей Меняйло радзырдта Уæрæсейы Хицауады сæрдары хæдивæг Дмитрий Патрушевæн. Ведомствæты хсæн штабы æмбырд ацыд видеоконференцийы форматы. Ацы куыст республикæйы æххæст кæнынц дыууæ регионалон операторы – «Экологон регион Алани» æмæ «Сыгъдæг горæт». Сергей Меняйло куыд фехъусын кодта, афтæмæй хъæбæр коммуналон хауæддзæгтæ кусыны инфраструктурæ райрæзын кæнынæн æнæбюджетон фæрæзтæй регионалон оператор «ЭРА» аразы бырæттæ æвзарæн комплекс, йæ бон афæдзмæ кусын уыдзæни 249 мин тонны, уыдзæни дзы нырыккон полигон дæр. Ныртæккæ объекты æвæрд цæуынц сыгъдæггæнæн фæрæзтæ. Документтæ куы ныффидар кæной, уæд райдайдзæн арæзтад дæр. Оператортæ æххæст сты сæрмагонд техникæйæ, фæлæ ма парк ноджыдæр кæндзысты уæрæхдæр. Афæдзы кæронмæ ма балхæндзысты 5 машинæйы. Цæгат Ирыстоны бакуыстой контейнертæй æмæ уыдонæн сæрмагонд фæзтæй сæххæст кæнынæн «фæндаггон картæ»-йыл. Æмбырды ма æрдзырдтой санитарон фæткыл дæр. Дмитрий Патрушев куыд загъта, афтæмæй Уæрæсейы Президент домы, ацы къабаз ноджыдæр хуыздæр æмвæзадмæ ракæнын, æмæ йыл куыст цæуы.
