Дæргъæвсы цæрджытæ цъæх артагæй пайда кæнынц 2013-æм азæй фæстæмæ
Цæгат Ирыстоны хæххон хъæутæм уадзынц газ. Дæргъæвсы цæрджытæ цъæх артагæй пайда кæнынц 2013-æм азæй фæстæмæ. Фæлæ кæмæ нæ бахæццæ ис, ахæм хæдзæрттæ дæр дзы ис. Курдиат бадæттыны тыххæй хæдзар æмæ зæхх хъуамæ фидаргонд уой закъонмæ гæсгæ. Цавæр фарстатæ ис хæххон хъæуты цæрджытæм, æмæ сæ куыд иуварс кæнынц, уый тыххæй радзурдзæн Тъехты Элинæ.
Къуымæллæгкаты Фатимæ Фæзыхъæуы цæры 30 азæй фылдæр. Хъæугæ гæххæттытимæ бацыд Дæргъæвсы администрацимæ, цæмæй йын йæ хæдзармæ бауадзой лæвар газ. Уыцы цаумæ сылгоймаг бирæ æнхъæлмæ каст.
Газ бауадзыны гæххæттытæ цы мобилон пункттæ фембырд кæнынц, уыдон ацы бонты кусынц Дæргъæвсы æмæ Хъæрмæдоны. Программæмæ гæсгæ газы хæтæлтæ уадзынц хæдзæртты цурмæ. Фадат ис субсиди райсынæн дæр, цæмæй хæдзар сифтонг кæной хъæугæ газы фæрæзтæй.
Дæргъæвсмæ газ бауагътой 2013-æм азы. Фæлæ кæмæ нæ бахæццæ ис, ахæм хæдзæрттæ сты 24 – зæгъынц администрацийы. Цæмæй курдиат бадæттай, уый тыххæй хъуамæ хæдзар æмæ зæхх уой закъонмæ гæсгæ фидаргонд.
Ацы фарстатæ лыг кæнынмæ сæ бон баххуыс кæнын у специалисттæн. Мобилон къордты хыгъды ис цæрæнуæтты коммуналон хæдзарады министрады æмæ фæллойы æмæ социалон райрæзты министрады минæвæрттæ, «Газпром газораспределение Владикавказ»-ы æмæ Росреестры кусджытæ.
Ацы аз программæйы фæлгæты райстой 1700 курдиатæй фылдæр. Программæ æххæстгæнгæйæ Уæрæсейы регионты хсæн нæ ресупбликæ ис 10-æм бынаты.
