Сæ ног аивгонд амбулаторийыл цин кæнынц Дур-Дуры цæрджытæ
Фылдæр гæнæнтæ, хуыздæр уавæртæ. Цæгат Ирыстоны хъæуты дарддæр арæзт æмæ цалцæггонд цæуынц фельдшерон-акушерон пункттæ. Сæ ног аивгонд амбулаторийыл цин кæнынц Дур-Дуры цæрджытæ. Се нкъарæнтæ нæм фæхæццæ кæндзæн Сосранты Жаннæ.
Афтæ фæзæгъынц, низ сдзæбæх кæнынæн æххуыс кæнынц аив къултæ дæр. Уыцы хъуыдыимæ разы сты Дур-Дуры цæрджытæ. Сæ хъæуы амбулатори цалцæггонд куы рцыд, уæдæй фæстæмæ се нæниздзинадыл дæр тынгдæр тыхсын райдыдтой.
Кæд рыстимæ цæуынц дохтырмæ, уæддæр зæрдæхъæлдзæгæй бакъахдзæф кæнынц райдзаст бæстыхаймæ. Цæгат Ирыстоны сгуыхт дохтыр, бирæ хæрзиуджыты хицау Тадеты Таирæ Дур-Дуры æмбулаторийы фæкуыста æнусы æрдæгæй фылдæр. Ныр та ардæм æрбацæуы, куыд кадджын хион, афтæ. Тынг сын цин кæны сæ абоны гæнæнтыл.
Таирæ ма хорз хъуыды кæны, раздæр ам цы уавæрты куыстой, уый дæр. Фæлæ уæддæр, иу усм дæр нæ фæсмон кæны йæ цард адæмы æнæниздзинадæн кæй снывонд кодта, ууыл.
Ирыстоны сгуыхт дохтыр, ацы амбулаторийы раздæры сæргълæууæг цингæнæгæйæ зилы амбулаторийы уæттыл.
Иу ныхасæй Дур-Дуры амбулатори æххæст у, хъæуы медицинон пункты, хъуамæ цы гæнæнтæ уа, уыдонæй.
Дур –Дуры хъæуы хъæуы сæргълæууæг Хъодзасты Николайы ныхæстæм гæсгæ амбулаторийы цалцæгæй тынг разы сты, фæлæ ма сæ иннæ фарстайаг хъуыддæгтæмæ дæр цæстдард куыд æрцæуа, афтæ йæ , бæрæг фæнды.
Федералон æмæ национ программæты фæрцы, фæстаг рæстæг, Ирыстоны хъæуты цæрджыты æнцондзинадæн бирæ хоздзинæдтæ конд æрцыд æмæ цæуы. Уыцы фæрнджын хъæуты номхыгъдмæ бахæссæн ис Дур-Дур дæр. Азæй азмæ сæ уавæртæ кæнынц хуыздæр, сæ гæнæнтæ та – фылдæр.
