Уымæн республикæйы бюджетæй радих кодтой 10 милуан сомы, 20 милуанмæ хæстæг та ма сты федералон фæрæзтæ
Национ проект «Ахуырад» æххæстгæнгæйæ, Цæгат Ирыстоны хъæуты скъолаты афæдзы кæронмæ сцалцæг кæндзысты 6 спортивон залы. Уымæн республикæйы бюджетæй радих кодтой 10 милуан сомы, 20 милуанмæ хæстæг та ма сты федералон фæрæзтæ. Спортивон залтæ сцалцæг кæндзысты Бруты, Лескены, Предгорнæйы, Суададжы, Притеречныйы æмæ Кæрдзыны. Цавæр куыстытæ дзы цæудзæн, уый тыххæй бæлвырддæр радзурдзæн Моргуаты Ладæ.
Ног ахуыры аз Бруты скъолайы ахуырдзау Бестауты Тамерлан æрбацæудзæн ног цалцæггонд спортивон залмæ. Ацы къуыри дзы райдыдта бындурон цалцæг.
Уарынты фæстæ спортивон зал вæййы уымæл, зымæджы та уазал. Хъармгæнæн кусы æвзæр. Цалцæггæнинаг рагæй у, зæгъынц скъолайы кусджытæ. .
Ацы спортивон залæй фæстæмæ ма ацы аз сцалцæг кæндзысты ноджыдæр 5. Суадаг, Лескен, Предгорныйы, Притеречныйы æмæ Кæрдзыны. Бындурон цалцæггæнæн куыстытæ цæуынц национ проект «Ахуырад»-мæ гæсгæ.
6 спортивон залы бындурон цалцæгæн радих кодтой федералон фæрæзтæ дæр – 20 милуан сомы.
