Куыд бафиппайдтой, афтæмæй ныртæккæ республикæйы медицинон объекттæ цух æййафынц ног кусæнгæрзтæй
Цæгат Ирыстоны хицауады æрныхас кодтой медицинæйы фарстатыл. Куыд бафиппайдтой, афтæмæй ныртæккæ республикæйы медицинон объекттæ цух æййафынц ног кусæнгæрзтæй. Премьер Дзанайты Барис профилон министрадæн бабар кодта, хъæугæ техникæйы хыгъд бацæттæ кæнын. Зæгъæм, республикæйы клиникон рынчындон цух æййафы нырыккон компьютерон томогрæфæй. Тæрхондоны-медицинон экспертизæйы бюройы та æнæмæнг хъæуы молекулярон-генетикон лаборатори. æнæниздзинадхъахъхъæнынады министр Тебиаты Сослан куыд фехъусын кодта, афтæмæй, ног техникæйæ цух æййафынц, зæгъæн ис, нæ республикæйы дзæбæхгæнæндæтты фылдæр хай. Уыимæ та, национ проект «Æнæниздзинадхъахъхъæнынад» æххæст кæнгæйæ, фæзынд фылдæр диагностикон гæнæнтæ. 2022-æм азы Цæгат Ирыстон самал кодта æмæ эксплуатацийы радта 56 сæрмагонд кусæнгарзы. Уымæй дарддæр баивтой 10 егъау медицинон кусæнгарзы.