Сæрмагонд æмбырды ныхас цыд æппæт организацион фарстатыл
Цæгат Ирыстоны хицауады дарддæр цæттæ кæнынц Кавказы инвестицион равдыстмæ. Сæрмагонд æмбырды ныхас цыд æппæт организацион фарстатыл. Нæ республикæ хъуамæ йæхи равдиса иттæг хорз æмæ æнтыстджынæй. Æргом аздахын хъæуы туризмы, транспортон-логистикон комплексы, промышленносты, цæрæнуæтты-коммуналон хæдзарады æмæ амалхъомдзинады фарстатæм. Уæдæ равдисын хъæуы нæ республикæйы инвестицион рæзт æмæ хъомыс. Ахæм амынддзинæдтæ радта регионы разамонæг Сергей Меняйло. Экономикон рæзты министр Кучиты Зауыр радзырдта, Кавказы инвестицион равдыстмæ цæгатирыстойнаг стенд куыд цæттæ кæнынц, уый тыххæй. Нысантæм гæсгæ пайда кæндзысты интерактивон фæрæзтæй. Стыр экраныл равдисдзысты Цæгат Ирыстоны тыххæй роликтæ. Сæйрагдæр – экономикон рæзты 5 ахсджиагдæр проекты. Дзанайты Барис равдысты архайджытæн бабар кодта активонæй бацархайын сыхаг регионтимæ æмархайды, цæмæй раздахой фидæны инвесторты ргом. Кавказы фыццаг инвестицион равдыст арæзт æрцæудзæн 3-4 майы Минводы.
