16 августа 2024, 11:04
Цæгат Ирыстоны хицауады дзырдтой, хъалонтæ куыд хуыздæр фидой æмæ зæххы арендæйы фиддон куыд æрæмбырд кæной, ууыл
Финансты министры хæстæ рæстæгмæ æххæстгæнæг Оксана Карова куыд фæбæрæг кодта, афтæмæй хъалонты хæстæ фæкъаддæр кодтой Алагиры, Æрыдоны æмæ Горæтгæрон районтæ. Фиддонтæ æмбæлгæ уагыл чи нæ фиды, уыдонимæ куыд кусынц, уый тыххæй радзырдта хъалонты службæйы управленийы минæвар Такъоты Фатимæ.
Хицауады сæрдар Дзанайты Барис куыд фæбæрæг кодта, афтæмæй муниципалитетты разамонджыты хъæуы фылдæр æргом аздахын хъалонты фарстатæм æмæ 2024-æм азы фиддонты пълан сæххæст кæнынмæ. Уыцы фæрæзтæ фыццаджыдæр хъæуынц районты, цæмæй сæ арвитой сæ социалон экономикон райрæзты нысантæ æххæст кæнынмæ – бахахх кодта премьер-министр.
темæмæ гæсгæ
