филиал вгтрк государственная телерадиовещательная компания “Алания”

Хæрзаудæн акци «Сидзæр сывæллæтты хæдзæрттæн лæвæрттæ» æххæст кæнгæйæ, Цæгат Ирыстоны хицауады цур паддзахадон куыстуаты минæвæрттæ радон хатт бацæттæ кодтой Ног азы лæвæрттæ. Хъæлдзæг зæрдæйы ахастимæ æмæ рæсугъд æнкъарæнтимæ сæ баластой сидзæр сывæллæтты хæдзæрттæ «Ласкæ», «Солнышко», «Хуры тын» æмæ «Дом ребенка»-мæ. Ахæм акцитæ арæзт фæцæуынц алы аз дæр. Центры сæйраг специалист Махъоты Бэлæ куыд радзырдта, афтæмæй сабитыл аудын сæ фыццаградон хæсыл нымайынц. Фæнды сæ, цæмæй алы сывæллон дæр Ног азы бæрæгбоны иса циндзинад, æмæ афтæмæй æххæст кæной сæ ахсджиагдæр бæллицтæ.