Куыстыты ныртæккæйы уавæрыл ныхас цыди туризмы рæзты фарстаты фæдыл æмбырды, разамынд ын лæвæрдта Дзанайты Барис
Цæгат Ирыстоны инвестортæ рæстæгмæ æрбынат кæныны объектты проекттæ саразынæн 2 азмæ райстой 7 сæдæ милуан сомы. Куыстыты ныртæккæйы уавæрыл ныхас цыди туризмы рæзты фарстаты фæдыл æмбырды, разамынд ын лæвæрдта Дзанайты Барис. Проект æххæстгонд цæуы Алагиры, Æрæфы æмæ Горæтгæрон районты. Ацы хъуыддаг къухы бафтыд регион национ проект «Туризм æмæ уазæгуарзондзинад»-ы кæй архайы, уый фæрцы.
Цæгат Ирыстоны экономикон рæзты министр Сокаты Марат куыд загъта, афтæмæй Æрæфы районы турбаза «Дзинага»-йы 20 номеры цæттæ сты уазджытæ райсынмæ. Эко-парк «Ирбис»-ы арæзтад дæр фæхæццæ кæны кæронмæ. 25 модулон хæдзары суазæг кодтой фыццаг фæлладуадзджыты, иннæтæ дæр эксплуатацийы лæвæрд æрцæудзысты афæдзы кæронмæ. Горæтгæрон районы кемпинг «Барс» дæр ратдзысты хæстæгдæр рæстæг. Туристтæн ам уыдзæн 3 модулы . Проект «Арвайдæн» ис Алагиры районы, уыдзæн дзы 54 номеры . Премьер-министр куыд загъта, афтæмæй республикæ æххуыс кæны проекттæ кæй хъæппæрисæй арæзт æрцыдысты, уыдонæн. Профилон ведомствæтæн бахæс кодтой ног туристон объекттæ инженерон хызтæм баиу кæныны хъуыддаг фæрæвдздæр кæнын.
