Кинолентæ дзурдзæн Хуссар Ирыстоны 2008-æм азы хæстон цаутыл
Цæгат Ирыстоны исынц цыбыр аивадон киноныв «Выжить нельзя погибнуть». Кино исыныл кусы кинокомпани «Ирмон». Режиссер-æвæрæг у Цæлыккаты-Битарты Ангелинæ. Кинолентæ дзурдзæн Хуссар Ирыстоны 2008-æм азы хæстон цаутыл. Ныхас дзы цæуы æрыгон ахуыргондыл. Уый сфæнд кодта Мæскуыйы йæ карьерæ ныууадзын, æмæ фыдыбæстæ хъахъхъæнынмæ атындзын. Сценарийы автор у Битарты Константин. Зæгъын хъæуы уый, æмæ премьерæ нысан кæнынц 2020-æм азы райдиан равдисын.Киноисæн процесс куыд цæуы, уый тыххæй радзурдзæн Къутæрты Аидæ.
Цæгат Ирыстоны райдыдтой исын цыбыр киноныв Хуссар Ирыстоны 2008 азы æвирхъау цауты фæдыл. Кинонывы ном у «Выжить нельзя пргибнуть». Адæмæн æй сæ бон фенын уыдзæн 2020 азы райдиан. Киноныв рацæудзæн Цæгат Ирыстоны кинокомпани «Ирмон»-ы хъæппæрисæй.
Хæстон киноныв сисын æнцон нæу. Цæмæй адæмы сразæнгард кæнай, уый тыххæй хъæуы бирæзын æмæ цымыдисаг сценæтыл бакусын. ДОСААФ-ы регионалон хайады сæрдар Хъантемыраты Барис ахуыр кодта Кинемотографийы Æппæтуæрæсеон паддзахадон университеты, актер æмæ режессурæйы хайады. Ацы кононывы архайдта куыд актер афтæ. Фæлæ ма уымæй уæлдай йæ амындтытæрадта иннæ архайджытæн дæр.
Кинонывы сценаримæ гæсгæ, 2008 азы Хуссар Ирыстоны хæст йæ тæмæны куы бацыд, уæд иу æрыгон лæппу йæхицæн рахаста уынаффæ, цæмæй Мæскуыйы ныууадза йæ ахуыр, æмæ ацæуа йæ райгуырæн бæстæмæ, тæккæ тохы цæхæрмæ. Цæмæй кинонывы сфæлдыстадон къорд уыцы сценæтæ бæстонæйравдиса, уый тыххæй сæ бахъуыд полигонмæ ацæуын. Ныртæккæ та исынц арæнтæ хъахъæнынады сцæнæ. Адæймагмæ афтæ фæкæсдзæн, цыма æцæг хæстмæ бафтыд, афтæ. Æмæ æцæгæйдæр, кинойы алы кадр дæр у бæлвырд бæрæг.
Цæмæй ацы киноныв адæмы зæрдæмæ фæцæуа, уый тыххæй æрбахуыдтой профессионалон кинемотографистты Мæскуыйæ, Краснодарæй æмæ Уæрæсейы иннæ регионтæй. Режиссеры ныхæстæм гæсгæ, ахæм дæсны сфæлдыстадон къордимæ кинойы сюжет æнæмæнгæй рауайдзæн зæрдæмæдзæугæ. 2008 азы фондз боны цы хæст цыдис, уый хабæртты тыххæй бирæ режиссертæ хъавыдысты кино сисын. Фæлæ Битарты Ангелинæйæн хæст ахсджиагдæр у, Мæскуыйы йæ ахуыр цы æрыгон лæппу ныууагъта, уый цæстæнгасæй равдисын.
Киноныв ист фæуыдзæн авгусыты кæрон. Адæмæн та йæ сæ бон уыдзæн фенын 2020 азы.
