Йæ арæзтадыл афæдздæр нæ рацыд
Ахуыры ног азы райдиан Цæгат Ирыстоны кадджын уавæры байгом Цæгат Кавказы суворовон æфсæддон училищæйы ног бæстыхай. Йæ арæзтадыл афæдздæр нæ рацыд. Ныр суворовонтæн ис хорз уавæртæ ахуыр æмæ цæрынæн. Ис дзы спортивон комплекс æмæ медицинон пункт.Ахуыргæнæн кълæстæта ифтонг сты нырыккондæр техникон фæрæзтæй. Ацы аз суворовон училищæйы рæнхъыты æрлæууыдысты 49 ног ахуырдзауы. Иу бынатмæ дзы тырныдта 4 адæймаджы.
Кадджын мадзалæн æвдисæн уыд не сфæлдыстадон къорд дæр æмæ ныхасы бар Касаты Наирæйæн
Кадджын линейкæ. Цæгат Ирыстоны ног æфсæддон суворовон училищæ гом кæны УФ-йы хъахъхъæнынады министры хæдивæг Николай Панков. Æфсæды инæлар Сергей Шойгуйы номæй арфæ ракодта ног ахуыры азы фæдыл.
УФ-йы рагондæр ахуыргæнæндæттæй иу Цæгат Кавказы суворовон училищæйæн зæгъæн ис райдыдта «ног цард».
Ног бæстыхайы ахуыр кæнын райдыдтой 320 хъомылгæнинаджы. Училищæйæн ис уникалон истори. Хъæздыг сты йæ традицитæ. Ахуыргæнæндоны ис бирæ национ. Абон дзы ахуыр кæнынц Уæрæсейы 10 субъекты 17 адæмыхатты минæвæрттæ. Раппæлинаг у уый, æмæ се хсæн ис хæлар ахастдзинæдтæ. Архайынц ахуыргæнæндоны кад дæлдæр ма руадзыныл. Хорз æнтыстдзинæдтæ æвдисынц куыд ахуыры, афтæ спорты. Уымæн сын нырис алы уавæртæ. Кæрты азæлыд фыццаг дзæнгæрæг.
Бирæтæ ардæм ссыдысты æндæр регионтæй, уымæн æмæ ацы училищæйы кой дæрддыл хъуыстгонд у. Даниил Кришталь Брянскæй се хсæн.
Ацы фæсивæд æфсæддон царды фæндагыл ныр æрлæууыдысты, фæлæ дæсныйад равзæрстой æмбаргæйæ.
Уавæртæ сын ныр уыдзæни зынгæ фылдæр. Æфсæддон аразджытæ цыбыр рæстæгмæ, зæгъæн ис æмæ афæдзы æмгъуыдмæ сарæзтой ацы объекттæ. Ног ахуыргæнæндоны бындуры фыццаг дур æвæрд æрцыди 2019-æм азы. Ног ахуыры азмæ лæвæрд æрцыдысты фæлладуадзæн бæстыхай, 620 бынатæн хæрæндон, уæлæмхасæн ахуырады корпус æмæ гом спортивон комплекс.
Училищæйы ифтонггонд сты сæрмагонд кълæстæ æмæ аудиторитæ, робототехникæ æмæ авиамоднлированийы, автомобилон æмæ хæххон цæттæдзинады лабораторитæ. Суворовон училищæйы фыцаг фæзынди интерактивон ахуырадон комплекс, йæ фæрцы нырыккон фæрæзтæм гæсгæ ахуыр кæныны фадат ис истори æмæ географи. Æдæппæтæй училилищæйы ахуыр кæндзæни 560 хъомылгæнинаджы.
