Аразæг компани – «ИРСТОУН»
Цæгат Ирыстоны кæронмæ æрхæццæ дуры куыстгæнæн заводы арæзтады фыццаг къæпхæн. Аразæг компани – «ИРСТОУН». Куыстуат бабæрæг кодта Сергей Меняйло. Регионы сæргълæууæг уал фыццаг федта цехтæ, сæ иумæйаг фæзуат у 4 мин квадратон метры. Арæзтады дыккаг къæпхæны ма фæнд кæнынц эксплуатацийы ноджыдæр иу уыйас радтын. Заводы гæнæнтæ уыдзысты уæрæх. Нысан кæнынц дуры продукцийы æппæт хуызтæ уадзын. Инвестор, Гуыриаты Владимир куыд загъта, афтæмæй фыццаг фæз кусæнгæрзтæй æххæстæй ифтонг нæма у. Фæлæ сæйраг хай ныридæгæн ис бынаты, кæд экономикон уавæрыл санкцитæ фæзындысты, уæддæр.
Афтæмæй, заводы пайда кæнынц æппæты нырыккондæр кусæнгæрзтæй. Йæ фæрцы, æххæст кæнæн ис алы æмвæзадты куыстытæ. Ис сæм дурæй зын лыггæнæн мозаикæ аразæн станок дæр. Кусæнгæрзтæй саразæн ис суанг скульптурæтæ дæр. Æдæппæтæй дзы уыдзæни мин куысты бынаты. Зæгъын хъæуы уый, æмæ Уæрæсейы ахæм заводтæ ис æрмæстдæр 5.
