Нæ республикæмæ ссыдысты Уæрæсейы 5 регионæй спортсментæ: Дагестанæй, Кæсæг-Балхъарæй, Хъæрæсе-Черкесийæ, Татарстанæй æмæ Мæскуыйы облæстæй
Цæгат Ирыстоны кæронмæ фæхæццæ кæнынц тхэквондистты иумæйаг тренировктæтæ. Нæ республикæмæ ссыдысты Уæрæсейы 5 регионæй спортсментæ: Дагестанæй, Кæсæг-Балхъарæй, Хъæрæсе-Черкесийæ, Татарстанæй æмæ Мæскуыйы облæстæй. Семæ сты Белоруссийæ фæсивæд дæр. Æдæппæтæй 70 адæймаджы. Сты юниортæ æмæ уæлдæр лигæйы минæвæрттæ. Тыхджындæр спортсментæ æмæ иугонд командæйы ныфсытæ кæуыл æвæрынц, уыдон кæрæдзийы фæхайджын кодтой сæ фæлтæрддзинадæй, æмæ афтæмæй сæхи цæттæ кæнынц радон ерыстæм. Раззагдæр спортсментæй иу Гуырцъыты Георгий рамбылдта Парижы Олимпиадæмæ балцаг. Уый хъахъхъæндзæн Белоруссийы кад. Ахсджиаг стартмæ бацæттæ кæнынæн æххуыс кæнынц номдзыд спорстментæ дæр.
