29 апреля 2020, 16:25
Цæгат Ирыстоны коронавирус рабæрæг кодтой ноджыдæр 93 адæймагмæ
Фæстаг бæрæггæнæнтæм гæсгæ, Цæгат Ирыстоны коронавирус рабæрæг кодтой ноджыдæр 93 адæймагмæ. Афтæмæй тæссаг низ кæмæ ис, уыдоны нымæц ссис 763 – хъусын кæны Уæрæсейы фæлхасадмæ цæстдарды управлени. Уыдонæй 627 дзæбæх кæнынц амбулаторон уагæй. Ведомствойы бæрæггæнæнтæм гæсгæ, тæссаг низæй нæ республикæйы сдзæбæх сты 78 адæймаджы. Дохырты цæстдард ис 1257-мæ. Æнæниздзинадхъахъхъæнынады министрад республикæйы цæрджытæм сиды, цæмæй æххæст кæной профилактикæйы мадзæлттæ æмæ бахъахъхъæной сæхи дæр æмæ сæ хиуæтты дæр.