Омикроны штамм бахæцы бирæ фылдæр адæмыл, зæгъынц специалисттæ
Цæгат Ирыстоны коронавирусы низ сывæллæтты хсæн сырæзт 68%. Омикроны штамм бахæцы бирæ фылдæр адæмыл, зæгъынц специалисттæ. Уымæ гæсгæ вирус тагъддæр парахат кæны. Кæд бинонты хсæн исчи фæрынчын, уæд ног штамм бахæцы зынгæ тагъддæр. Цæмæй къаддæр тæссаг уа, уый тыххæй дохтыртæ се ппæтæн дæр амонынц санитарон домæнтæ æххæст кæнын. Хæдзармæ дохтырмæ дæр арæхдæр дзурын райдыдтой. Уымæ гæсгæ сывæллæтты поликлиникæты арæзт æрцыдысты сæрмагонд ковид-бригадæтæ. Уыдон пациенттæм бацæуынц сæ хæдзармæ, бæлвырд миниуджытæ йæм куы фæзынынц, кæнæ та ковид-рынчынимæ æмархайд кæд кодта, æмæ йæ тест раттын куы фæхъæуы, уæд. Сывæллæтты фыццæгæм поликлиникæйы дæр коронавирусæй рынчынтæн байгом кодтой хицæн бацæуæн. Зæгъдзыстæм ма уый дæр, æмæ низ парахат кæныны хъуыддаг чысыл фæкъаддæр кæнын бантыст, скъолатæ æмæ астæуккаг ахуыргæнæндæттæ дистанцион ахуырады хуызмæ кæй раивтой, уый фæрцы. Уымæй дарддæр Цæгат Ирыстонмæ æрбахæццæ сывæллæттæн вакцинæйы парти. Сывæллæттæн прививкæтæ кæндзысты, ныййарджытæ разыйы дзуапп куы ныффыссой, æрмæстдæр уæд.
