Уый тыххæй брифинджы фехъусын кодта республикæйы æнæниздзинадхъахъхъæнынады министрады æнæштатон сæйраг пульмонолог Болиаты Лаурæ
Куыд æппæт Уæрæсейы, афтæ Цæгат Ирыстоны дæр, ковиды ныхмæ вакцинаци чи скодта, уыдонæй æвзæр фæстиуджытæ никæмæ расайдта. Уый тыххæй брифинджы фехъусын кодта республикæйы æнæниздзинадхъахъхъæнынады министрады æнæштатон сæйраг пульмонолог Болиаты Лаурæ. Йæ ныхæстæм гæсгæ, коронавирусæй рынчынты нымæц кæны къаддæр. Дохтыр куыд загъта, афтæмæй пандемийæйы дыккаг уылæны низ адæмы æфхæрдта тынгдæр. Брифинджы ныхас цыди, дзыллон вакцинаци у иунæг гæнæн, адæмы ковидæй бахъахъхъæнынæн.
Коллективы иммунитет фæфидардæр кæнынæн хъæуы ахсджиаг хъуыддаг – цæмæй республикæйы цæрджыты 70 процентмæ уой низы ныхмæ тохгæнæг буаргъæдтæ. Вакцинаци скæнынæн ис кармæ домæнтæ, ома 18 азæй къаддæр кæуыл цæуы, уыдонæн прививкæ кæнæн нæй. Препарат алы кары адæмыл куыд фæбæрæг вæййы, уый нырма специалисттæ бæлвырд нæ иртæстой, загътой брифингы. Æмтгæй райсгæйæ та вакцинацийæн нæ республикæйы ис хорз хатдзæгтæ скæнæн.