Бабæрæг кодта Мæздæджы район
Цæгат Ирыстоны кусæг балцы уыд Уæрæсейы Хицауады Сæрдары хæдивæг Александр Новак. Бабæрæг кодта Мæздæджы район. Уым куыстуат «Россети» байгом кодтой Цæгат Кавказ ифтонггæнæн дæлстанцæ «Алания» 500 кВ. Хаст æрцыд Цæгат Кавказы æртæ егъаудæр центрты хыгъдмæ. Кадджын æмбырды архайдтой республикæйы Сæргълæууæг Сергей Меняйло æмæ акционерон æхсæнад «Россети»-йы генералон директор Андрей Рюмин. Уæлдæр технологитæм гæсгæ арæзт ног дæлстанцæ фадат ратдзæн канд Цæгат Ирыстоны, Дагестаны, Цæцæны æмæ Мæхъæлы республикæты энергосистемæты дефицит сæхгæнынæн нæ, фæлæ ма сыхаг паддзахадтæм дæр экспорт фæхуыздæр кæнынæн дæр. Æппæт куыстытæн радих кодтой 15 миллиарды æмæ 800 милуан сомы. Дæлстанцæйы арæзтады спайда кодтой раззагдæр технологитæй, загъта Андрей Рюмин. Уазджытæ ма бабæрæг кодтой туристон-рекреацион комплекс Мамысон æмæ дыргъдæтты инвестицион проект «Казачий хутор» Архонкæйы станицæйы.
